5. og 6. bekkur stúlkna

30.10.2013 | 12:22

Sambíómótið um helgina - Dagskrá

Svona er dagskráin á Sambíómótinu um helgina.

Laugardagur 2. nóvember 2013

Kl. 8:00 – 10:00 Móttaka liða

Móttaka fer fram í anddyri Rimaskóla. Þar verður tekið við þátttökugjaldi félags og keppenda. Gjaldinu skal skilað í lokuðu umslagi, merktu félagi og fjölda þátttakenda. Einnig er hægt að millifæra heildar upphæð hvers liðs inn á reikning 114-26-9292, kt.670900-3120, kvittun þarf að berast til bokari@fjolnir.is með nafn og númer liðs í skýringu. Sýna þarf kvittun fyrir greiðslu við skráningu

Þeir keppendur sem gista þurfa að hafa með sér svefnpoka og dýnur til að sofa á en gist verður í Rimaskóla þar sem stofur verða merktar liðunum. Það er mjög mikilvægt að umgengni um skólann verði til fyrirmyndar og stofum skilað í því ástandi sem þær voru. Rétt er að benda á að krakkarnir taki með sér eitthvert nesti til að grípa í á laugardeginum.

Kl. 8:30 – 11:00 Leikir á mótinu spilaðir

Leikið verður á 6 völlum. Tveimur í Rimaskóla (spilað 4 á 4) og fjórum í Íþróttamiðstöðinni Grafarvogi Dalhúsum (spilað 5 á 5). Leikið verður 2*10 mínútur án þess að klukka sé stöðvuð. Mjög mikilvægt er að lið séu mætt að leikvelli vel fyrir ásettan tíma því ein klukka tekur tímann í hverju húsi. Eitt vítaskot er tekið ef dæmt er víti. Ekki er talið í leikjunum og því ætti leikgleðin að vera í fyrirrúmi.

Kl. 11:30 Bíóferð í Sambíóin Egilshöll

Allir fara á sama tíma í bíó og er Egilshöll í göngufæri frá Dalhúsum og Rimaskóla.

Kl. 13:30-18:00 Mótið heldur áfram

Kl. 17:30-19:30 Kvöldmatur

Kvöldmatur verður í mötuneyti Rimaskóla. Hann er innifalinn fyrir þátttakendur en aðrir geta keypt sér kvöldmat á kr. 500.

Kl. 19:45 – 22:00 Blysför á kvöldvöku

Farið verður í blysför frá Rimaskóla og gengið að Íþróttamiðstöðinni í Grafarvogi þar sem kvöldvakan fer fram. Þar verður margt gert til skemmtunar, og bryddað upp á nýjungum ï

Kl. 22:15 Kvöldkaffi og háttatími

Skúffukaka og mjólk fyrir svefninn í mötuneyti Rimaskóla

Sunnudagur 3. nóvember 2013

Kl. 7:30 – 9:30 Morgunmatur

Morgunmatur í mötuneyti Rimaskóla

Kl. 8:00 – 13:30 Leikir á mótinu halda áfram

Kl. 11:00 Pizzaveisla

Þegar liðin hafa lokið leik mæta þau í pizzaveislu á sínum keppnisstað

Kl. 11:30 – 14:30 Verðlaunaafhending

Verðlaunaafhending fer fram bæði í Dalhúsum og Rimaskóla. Þegar liðin hafa lokið leik og fengið pizzu eru verðlaun afhent á hvorum keppnisstað um sig.

Leikjaniðurröðun kemur um leið og ég hef fengið hana.

Kv Jón

Flokkur: Íþróttir | Facebook