Tilkynningar til ykkar í vetur stelpur

Sælar stúlkur,

Þið þurfið að fylgjast með þessari síðu í vetur til þess að vita hvað er í gangi hjá okkur hverju sinni.

Ef æfingatími breytist kemur það hérna inn.

Ef það er frí á æfingu kemur það hérna inn.

Ef við ætlum að hittast kemur það hérna inn.

Ef það er aukaæfing kemur það hérna inn.

Einnig mun ég setja sóknina okkar (4 staðir gefa og kötta) hérna inn. 

 

Gott að venja sig á að fara hingað inn á hverjum degi til þess að vita hvað er gangi.

 

Kv Jón 

Fyrsta fjölliðamót vetrarins (Grindavík & Garðabær)

Sælar stúlkur,

Þá er fyrstu keppnishelginni á íslandsmótinu lokið hjá okkur í ár

 Bæði liðin stóðu sig mjög vel og vann a-liðið 3 leiki nokkuð örugglega og töpuðu svo stórt á móti Grindavík sem eru komnar nokkrum skrefum lengri en við í þessum fræðum, en eins og ég sagði í upphafi var þetta eiginlega vitað, en við munum minnka þetta bil hægt og rólega og á endanum munum við veita þeim þá samkeppni sem þarf að vera til staðar og þá eiga jafnan möguleika á að vinna þær. Við þurfum að vera duglegar að æfa og ekki sleppa æfingum nema eitthvað mjög mikilvægt í sé í gangi.

B-liðið mættu grimmar til leiks í Garðabæ og unnu örugga sigra í öllum 4 leikjunum þar sem allar stelpurnar fengu að spila góðan slatta og stóðu þær sig allar mjög vel og unnu þennan c-riðil og munu því leik í b-riðli í næsta fjölliðamóti.

Mig langar að benda ykkur á (aftur) að leikmenn sem eru í a-liði þessa helgina gætu verið í b-liði í næsta fjölliðamóti, ef mér finnst vera tilefni til þess að breyta, já og öfugt. það er nefnilega þannig að það á engin fast sæti í liði þegar margir leikmenn eru að æfa.

 Kv. Jón